ஆனை முகத்தான்
அரன் ஐந்து முகத்தான் மகன்
ஆறுமுகத்தானுடன் அவதரித்தான்

அவன் ஆனை முகத்தான்
அரன் ஐந்து முகத்தான் மகன்
ஆறுமுகத்தானுடன் அவதரித்தான்

ஞானம் அளிப்பான்
என்றும் நலம் அளிப்பான்
ஞானம் அளிப்பான்
என்றும் நலம் அளிப்பான்
தன்னை நம்பியவர்க்கெல்லாம்
கை கொடுப்பான்

உடன்
ஆனைமுகத்தான்
அரன் ஐந்துமுகத்தான் மகன்
ஆறுமுகத்தானுடன் அவதரித்தான்

ஓம் எனும் பிரணவ
நாதமே அவன் தொடக்கம்
உலகமெல்லாம் அவன்
வயிற்றினிலே அடக்கம்

ஓம் எனும் பிரணவ
நாதமே அவன் தொடக்கம்
உலகமெல்லாம் அவன்
வயிற்றினிலே அடக்கம்

கானல் நீர் வாழ்க்கை
கடல் அதனை கடக்கும்
கானல் நீர் வாழ்க்கை
கடல் அதனைக் கடக்கும்

தோணியாக வந்தே
துதிக்கையால்  அணைக்கும்
தோணியாக வந்தே
துதிக்கையால் அணைக்கும்

ஆனை முகத்தான்
அரன் ஐந்து முகத்தான் மகன்
ஆறுமுகத்தானுடன் அவதரித்தான்

வெள்ளை உள்ளம் என்னும்
வீட்டினில் குடியிருப்பான்
வீதி தோறும் நின்றே
வேண்டும் வரம் அளிப்பான்

அள்ளியெடுத்த பிடி மண்ணிலும்
அவன் இருப்பான்
அள்ளியெடுத்த பிடி மண்ணிலும்
அவன் இருப்பான்

ஐங்கரத்தான் அவன்தான்
அனைத்துக்கும் முன்னிற்பான்
ஐங்கரத்தான் அவன்தான்
அனைத்துக்கும் முன்னிற்பான்

ஆனை முகத்தான்
அரன் ஐந்து முகத்தான் மகன்
ஆறுமுகத்தானுடன் அவதரித்தான்

அவன்
ஆனை முகத்தான்
அரன் ஐந்து முகத்தான் மகன்
ஆறுமுகத்தானுடன் அவதரித்தான்

--------------------------------

கணபதி என்றிடக் கலங்கும் வல்வினை
கணபதி என்றிடக் காலனும் கைதொழும்
கணபதி என்றிடக் கருமம் ஆதலால்
கணபதி என்றிடக் கவலை தீருமே

காக்கும் கடவுள் கணேசனை நினை
காக்கும் கடவுள் கணேசனை நினை
கவலைகள் அகல அவன் அருள் துணை
காக்கும் கடவுள் கணேசனை நினை
கவலைகள் அகல அவன் அருளே துணை

காக்கும் கடவுள் கணேசனை நினை
யார்க்கும் எதற்கும் அவனே முதற்பொருள்
யார்க்கும் எதற்கும் அவனே முதற்பொருள்

அன்பெனும் பிடியுள் அகப்படும் கருப்பொருள்
அன்பெனும் பிடியுள் அகப்படும் கருப்பொருள்
ஊர்க்கும் உலகிற்கும் ஒளிதரும் உயிர்ப் பொருள்
உள்ளத்தில் அமர்ந்திருக்கும் ஓங்காரத் தனிப் பொருள்
உள்ளத்தில் அமர்ந்திருக்கும் ஓங்காரத் தனிப் பொருள்

----------------------------------

விநாயகர் ஸ்துதியாக அமைந்த திருப்புகழ்

கைத்தல நிறைகனி அப்பமொடவல் பொரி
கப்பிய கரிமுகன் அடிபேணிக்
கற்றிடும் அடியவர் புத்தியில் உறைபவ
கற்பகம் எனவினை கடிதேகும்
மத்தமு மதியமும் வைத்திடும் அரன்மகன்
மற்பொரு திரள்புய மதயானை
மத்தள வயிறனை உத்தமி புதல்வனை
மட்டவிழ் மலர்கொடு பணிவேனே
முத்தமிழ் அடைவினை முற்படு கிரிதனில்
முற்பட எழுதிய முதல்வோனே
முப்புரம் எரிசெய்த அச்சிவன் உறைரதம்
அச்சது பொடிசெய்த அதிதீரா
அத்துயரது கொடு சுப்பிரமணிபடும்
அப்புனமதனிடை இபமாகி
அக்குற மகளுடன் அச்சிறு முருகனை
அக்கணமணமருள் பெருமாளே

பாடல் : சுழி போட்டு செயல் எதையும் தொடங்கு
பாடியவர்: சீர்காழி கோவிந்தராஜன்

ஓரானைக் கன்றை, உமையாள் திருமகனை, போரானைக் கற்பகத்தைப் பேணினால்
வாராத புத்தி வரும், வித்தை வரும் உத்திர சம்பட்டு வரும் சக்தி தரும் சித்தி தரும் தான்.

சுழி போட்டு செயல் எதையும் தொடங்கு - பிள்ளையார்
சுழி போட்டு செயல் எதையும் தொடங்கு
அதன் துணையாலே சுகம் கூடும் தொடர்ந்து
அதன் துணையாலே சுகம் கூடும் தொடர்ந்து -

பிள்ளையார்
சுழி போட்டு செயல் எதையும் தொடங்கு

அழியாத பெருஞ்செல்வம் அவனே
தில்லை ஆனந்த கூத்தனின் மகனே
தில்லை ஆனந்த கூத்தனின் மகனே - பிள்ளையார்
சுழி போட்டு செயல் எதையும் தொடங்கு

வழியின்றி வேலனவன் திகைத்தான்
குற வள்ளியவள் கைபிடிக்கத் துடித்தான்
வழியின்றி வேலனவன் திகைத்தான்
குற வள்ளியவள் கைபிடிக்கத் துடித்தான்
மறந்துவிட்ட அண்ணனையே நினைத்தான்
மறந்துவிட்ட அண்ணனையே நினைத்தான்
மறு கணத்தினிலே மகிழ்ச்சியிலே திளைத்தான்
மறு கணத்தினிலே மகிழ்ச்சியிலே திளைத்தான் -

பிள்ளையார்
சுழி போட்டு செயல் எதையும் தொடங்கு

கேட்டதெல்லாம் கொடுக்க வரும் பிள்ளை
அவன் கீர்த்தி சொல்ல வார்த்தைகளே இல்லை
ஆட்டமென்ன பாட்டுமென்ன அனைத்தும்
அவன் நாட்டமின்றி எவ்வாறு நடக்கும்
அவன் நாட்டமின்றி எவ்வாறு நடக்கும் - பிள்ளையார்
சுழி போட்டு செயல் எதையும் தொடங்கு

தும்பிக்கை நம்பிக்கை கொடுக்கும்
வரும் துயர் யாவையும் முன் நின்று தடுக்கும்
அஞ்சேலென்றொரு பாதம் எடுக்கும்
அவன் அசைந்து வர அருள் மணிகள் ஒலிக்கும் -

பிள்ளையார்
சுழி போட்டு செயல் எதையும் தொடங்கு

------------------------------------

கணபதியே வருவாய் அருள்வாய்
கணபதியே வருவாய் அருள்வாய்
கணபதியே வருவாய்மனம் மொழி மெய்யாலே தினம் உன்னைத் துதிக்க


மனம் மொழி மெய்யாலே தினமுன்னைத் துதிக்க
மங்கள இசையென்றன் நாவினில் உதிக்க
மங்கள இசையென்றன் நாவினில் உதிக்க

கனபதியே வருவாய்

ஏழு சுரங்களில் நானிசை பாட
எங்குமே இன்பம் பொங்கியே ஓட
ஏழு சுரங்களில் நானிசை பாட
எங்குமே இன்பம் பொங்கியே ஓட
தாளமும் பாவமும் ததும்பிக் கூத்தாட
தாளமும் பாவமும் ததும்பிக் கூத்தாட
தரணியில் யாவரும் புகழ்ந்து கொண்டாட

கனபதியே வருவாய்

தூக்கிய துதிக்கை வாழ்த்துக்கள் அளிக்க
தொனியும் மணியென கணீரென்றொலிக்க
தூக்கிய துதிக்கை வாழ்த்துக்கள் அளிக்க
தொனியும் மணியென கணீரென்றொலிக்க
ஊத்துக நல்லிசை உள்ளம் களிக்க
உண்மை ஞானம் செல்வம் கொழிக்க

கணபதியே வருவாய் அருள்வாய்
கணபதியே வருவாய்

--------------------------------------

வேலனுக்கு மூத்தவனே விக்ன விநாயகனே வேலனுக்கு மூத்தவனே விக்ன விநாயகனே
வினைகளை வேறறுக்கும் துணைவனும் நீ தானே
வினைகளை வேறறுக்கும் துணைவனும் நீ தானே
வேலனுக்கு மூத்தவனே விக்ன விநாயகனே

மூலப் பரம்பொருளே மூஷிக வாகனே

மூலப் பரம்பொருளே மூஷிக வாகனே
முத்திக்கு வித்தாகும் சித்தி விநாயகனே
முத்திக்கு வித்தாகும் சித்தி விநாயகனே
வேலனுக்கு மூத்தவனே விக்ன விநாயகனே

நாளும் உன்னை நினைவேன் நாவாறப் புகழ்வேன்
நாளும் உன்னை நினைந்தே நாவாறப் புகழ்வேன்
நல்லதெல்லாம் தருவாய் வல்லபையின் கணவா
நல்லதெல்லாம் தருவாய் வல்லபையின் கணவா
தாளும் ஐங்கரமும் தயவும் இருக்கையிலே
தாளும் ஐங்கரமும் தயவும் இருக்கையிலே
சஞ்சலமும் வருமோ? சங்கரனின் புதல்வா

வேலனுக்கு மூத்தவனே விக்ன விநாயகனே
தும்பிக்கையே எனக்கு நம்பிக்கை நலம் அருளும்
தும்பிக்கையே எனக்கு நம்பிக்கை நலம் அருளும்
தொழுதிடும் திருவடிகள் துயர்களெல்லாம் களையும்
தொழுதிடும் திருவடிகள் துயர்களெல்லாம் களையும்
தஞ்சமென்றால் மகனே அஞ்சலென்பாய் நீயே
தஞ்சமென்றால் மகனே அஞ்சலென்பாய் நீயே
சகல உயிர்களுக்கும் தாயே கணபதியே
சகல உயிர்களுக்கும் தாயே கணபதியே

வேலனுக்கு மூத்தவனே விக்ன விநாயகனே
வினைகளை வேறறுக்கும் துணைவனும் நீ தானே
வேலனுக்கு மூத்தவனே விக்ன விநாயகனே 

-----------------------------------